डेल्टाभन्दा संक्रामक कोरोनाको नयाँ प्रजाति लाम्बडा ३० देशमा फैलियो – Nepal Press

डेल्टाभन्दा संक्रामक कोरोनाको नयाँ प्रजाति लाम्बडा ३० देशमा फैलियो

भारतमा समेत संक्रमण पुष्टि

काठमाडौं । कोरोनाभाइरसको नयाँ प्रजाति लाम्बडा पत्ता लागेको छ । अन्तर्राष्ट्रिय संचारमाध्यमका अनुसार पेरुमा पहिलोपटक भेटिएको प्रजातिलाई विश्व स्वास्थ्य संगठनले जुन १४ मा भेरिएन्ट अफ इन्ट्रेस्टको सूचीमा राखेको छ ।

अष्ट्रेलियाली न्यूज पोर्टल न्यूज डटकम एयूले यो भेरिएन्ट पहिलोपटक बेलायतमा पुष्टि भएको उल्लेख गरेको छ । ३० भन्दा बढी मुलुकमा फैलिएको यो प्रजाति डेल्टाभन्दा बढी संक्रामक रहेको जनाइएको छ ।

अहिलेसम्म बेलायतमा लाम्बडाका छ वटा केस भेटिएको छ । यो भेरिएन्ट डेल्टाभन्दा बढी संक्रामक हुन सक्ने कुराले अनुन्धानकर्तालाई चिन्तित तुल्याएको छ ।

बैज्ञानिक नाम सी.३७ रहेको लाम्बडा भेरिएन्ट अफ कन्सर्नको सूचीमा रहेका भाइरसभन्दा कति चाँडो फैलिन सक्छ भनेर अध्ययन भैरहेको छ । अहिलेसम्म भेरिएन्ट अफ कन्सर्नमा अल्फा, बेटा, गामा र एप्सिलोन रहेका छन् ।

अगस्ट २०२० मा पहिलोपटक संक्रमण पत्ता लागेको लाम्बडा दक्षिण अमेरिकामा व्यापकरुपमा फैलिएको छ । पेरु, चिली, अर्जेन्टिना र इक्वेडरमा बढी संक्रमण भेटिएको छ । लाम्बडा भारतमा समेत भेटिएको टाइम्स अफ इन्डियाले जनाएको छ । पछिल्लो साता उडान खुला गरेसँगै यो भेरिएन्ट फैलन सक्ने चिन्ता बढेको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर