मंगलबार २६ सय कोभिड बिरामी थपिए, थप १५ जनाको मृत्यु

काठमाडौं । पछिल्लो २४ घण्टामा मुलुकमा २६३४ जना कोभिड बिरामी थपिएका छन् । १२ हजार ५८५ नमुना (पीसीआर ७५०३ र ५०८२ एन्टीजेन) परीक्षण गर्दा ती संक्रमित थपिएको स्वास्थ्य तथा जनसंख्या मन्त्रालयले जनाएको छ ।

मंगलबार थप १५ जनाको मृत्यु भएको छ । कूल मृतक संख्या ९२६३ पुगेको छ ।

मंगलबार उपत्यकामा ४९९ जना संक्रमित थपिएका छन् । काठमाडौं जिल्लामा ३६५ जना संक्रमित थपिएका छन् । ललितपुरमा १०५ र भक्तपुरमा २९ संक्रमित थपिएका छन् ।

पछिल्लो २४ घण्टामा मुलुकमा थप १५६५ जना संक्रमणमुक्त भएका छन् । कूल निको हुनेको संख्या ६ लाख १२ हजार पुगेको छ ।

कूल संक्रमित संख्या ६ लाख ४८ हजार ८५ पीसीआर परीक्षणमा पुष्टि भएको छ भने ३९ हजार ९१० मा पुष्टि भएको छ ।

निको हुने दर घट्दा सक्रिय संक्रमित संख्या पुनः उकालो लागेको छ । मंगलबारसम्म सक्रिय संक्रमित प्रतिशत ३.९९ पुगेको छ ।

आठ जिल्लामा मात्र सक्रिय संक्रमित संख्या ५०० भन्दा माथि छ । २४ जिल्लामा सक्रिय संक्रमित संख्या २०० भन्दा माथि छ । मुलुकभरको संक्रमण दर १९.२ प्रतिशत रहेको छ ।