काठमाडौं । कोभिड-१९ महामारी नेपालमा पनि फैलिएसँगै अभिवादनमा हात मिलाउने (ह्याण्डसेक) प्रचलन तोडेर नमस्कारको संस्कृति देशभर पुनःस्थापित भइरहेको छ ।

तर कहिलेकहीँ पुनर्मिलनको अवसरमा कसिला हात मिल्ने रहेछन् । प्रधानमन्त्री निवास बालुवाटारमा बसेको एमाले केन्द्रीय कमिटी बैठकमा भाग लिन पुगेका उपाध्यक्ष वामदेव गौतमलाई अध्यक्ष केपी शर्मा ओलीले कसिलो हात मिलाएर स्वागत गरे ।

२०७७ पुस ५ मा प्रधानमन्त्रीले प्रतिनिधिसभा भंग गरेसँगै नेकपा विभाजन भयो र विभाजित नेकपाको दुवै पक्षमा नलागेका गौतम त्यसयता एमालेका बैठकमा पनि सहभागी थिएनन् ।

बेला-बेला बालुवाटार पुगेर प्रधानमन्त्रीलाई भेटेका गौतम एकपटक संसदीय दलको बैठकमा सहभागी थिए । एमाले केन्द्रीय कमिटीको बैठकमा सबै नेतालाई २०७५ जेठ २ अघिका पदाधिकारी हैसियतमै बोलाइएको थियो । तर माधव नेपाल पक्ष सहभागी भएन ।

 
 
 


तस्बिरहरु : राजन काफ्ले, प्रधानमन्त्रीको सचिवालय।