माधव नेपालको व्यंग्य : ओलीका अभिव्यक्ति मननीय छन्, रेकर्ड गरेर राख्नुहोला (भिडियो) – Nepal Press

माधव नेपालको व्यंग्य : ओलीका अभिव्यक्ति मननीय छन्, रेकर्ड गरेर राख्नुहोला (भिडियो)

काठमाडौं । नेकपा एमालेका वरिष्ठ नेता माधवकुमार नेपालले प्रधानमन्त्री तथा पार्टी अध्यक्ष केपी शर्मा ओलीले अभिव्यक्ति ‘सबैले सिक्न लायक’ रहेको भन्दै व्यंग्य गरेका छन् । आफूहरु जनताको अदालतमा उभिन तयार रहेको उनले बताए ।

विपक्षी गठवन्धनले आयोजना गरेको अन्तरक्रियामा बोल्दै नेपालले ओलीले आजै दिएको अभिव्यक्तिका विषयमा टिप्पणी गरेका हुन् ।

नेपालले भने, ‘हामी आफैं संस्कृति र संस्कारको कुरा गर्छौं अरुको मान सम्मानको कुरा गर्छौं, तर त्यसभन्दा फरक व्यवहार गर्छौं । यसमा नम्बर वान को छ भने सम्माननीय प्रधानमन्त्री हुनुहुन्छ । उहाँको हिजोआजको अभिव्यक्ति रेकर्ड गरेर राख्नुहोला । कति राम्रा-राम्रा कुरा छन्, हिजोको पनि आजको पनि । ध्यान दिन लायक छ, मननीय छ । सबैले सिक्नै पर्छ । सकारात्मक वा नकारात्मक रुपले सिकौं । किनभने बानी र पानी माथिबाट तल सर्छ ।’ कतिपय भ्रम प्रधानमन्त्री स्वयम्ले निवारण गरेको नेपालले बताए ।

‘मलाई बहुला कुकुरले टोकेको छ र भन्नुभएको छ । विगतको सन्दर्भ पनि अघि सार्नुभएको छ । नामै काढेर पनि भन्नुभएको छ । म धेरै कुरा भन्न चाहन्न । हामी त जनताको अदालतमा उभिन तयार छौं ।’


प्रतिक्रिया

Leave a Reply

Your email address will not be published. Required fields are marked *

सम्बन्धित खवर