सुदूरपश्चिम प्रदेशको नीति तथा कार्यक्रम पारित, ओलीपक्षले ‘हुन्न’ भन्दा कांग्रेस मौन – Nepal Press

सुदूरपश्चिम प्रदेशको नीति तथा कार्यक्रम पारित, ओलीपक्षले ‘हुन्न’ भन्दा कांग्रेस मौन

कैलाली । सुदूरपश्चिम प्रदेशको नीति तथा कार्यक्रम बहुमतले पारित भएको छ । प्रदेशसभाको आठौँ अधिवेशनको ११ औँ बैठकले आइतबार नीति तथा कार्यक्रम पारित गरेको हो ।

नेकपा एमाले सुदूरपश्चिम प्रदेश संसदीय दलले नीति तथा कार्यक्रमको पक्षमा मतदान गर्न ह्विप जारी गरेको थियो । तर, ओली पक्षका प्रदेश सभा सदस्यहरू भने विपक्षमा उभिए । नेपाली कांग्रेसका प्रदेश सभा सदस्य मौन रहे ।

सुदूरपश्चिम प्रदेशमा सभामुख बाहेकका २४ जनामध्ये नेपाल पक्षमा १७ र ओली पक्षमा ७ जना प्रदेशसभा सदस्य छन् । कांग्रेसका १२ जना सांसद छन् ।

गत बिहीबार प्रदेश प्रमुख गङ्गाप्रसाद यादवले आगामी आर्थिक वर्षको नीति तथा कार्यक्रम प्रस्तुत गरेका थिए ।

जसपाका दुई सांसद भने आजको बैठकमा अनुपस्थित रहे । माला मति कुमारी राना थारु केही समयअघि घाइते भएकी थिइन् । अर्का सांसद कृष्णबहादुर चौधरी व्यस्तताले प्रदेश सभा बैठकमा जान नपाएको बताए । बहिस्कार भने नगरेको उनको भनाइ छ ।

प्रदेश १ र बागमतीमा नीति तथा कार्यक्रम पारित गर्न प्रदेशसभामा एमाले एकढिक्का भएको थियो । तर, सुदूरपश्चिम प्रदेशमा भने एमाले भित्रको विवाद कायमै रहेको देखिएको छ ।

प्रतिक्रिया

Leave a Reply

Your email address will not be published. Required fields are marked *