भारतमा मृतकको संख्या पुनः उकालो लाग्यो, संक्रमित संख्या ओरालो लाग्दै

दिल्ली । भारतमा कोरोनाभाइरस संक्रमणका कारण पछिल्लो २४ घण्टामा ३ हजार ३८० जनाले ज्यान गुमाएका छन् ।

यहाँ दैनिक मृत्यु हुनेको संख्यामा कमी आएको छैन भने संक्रमित हुनेको संख्यामा भने पछिल्लो साता ओरालो लागेको छ । पछिल्लो २४ घण्टामा १ लाख २० हजार ५२९ जना नयाँ संक्रमित थपिएका छन् भने १ लाख ९७ हजार ८९४ जना डिस्चार्ज भएका छन् ।

भारतमा अहिलेसम्म कुल २ करोड ८६ लाख भन्दा बढी संक्रमित छन् भने २ करोड ६७ लाख भन्दा बढी संक्रमणमुक्त भएका भएका छन् । यहाँ अहिलेसम्म मृत्यु हुनेको संख्या ३ लाख ४४ हजार ८२ जनाले ज्यान गुमाइसकेका छन् भने १५ लाख ५५ हजार २४८ संत्रिय संक्रमित रहेको स्वास्थ्य मन्त्रालयले जनाएको छ ।