मन्त्री र प्रवक्ताबाहेकले कोरोनाभाइरस महामारीबारे बोल्न नपाउने – Nepal Press

मन्त्री र प्रवक्ताबाहेकले कोरोनाभाइरस महामारीबारे बोल्न नपाउने

काठमाडौं । स्वास्थ्य तथा जनसंख्या मन्त्रालयले जनस्वास्थ्यका विषयमा असम्बन्धित व्यक्तिलाई आमसंचारमा बोल्न रोक लगाएको छ ।

मन्त्रालयले मंगलबार विज्ञप्ती जारी गर्दै त्यसरी बोल्दा जनमानसमा द्धिविधा बनाउने र भ्रमित तुल्याउने गरिएकाले बोल्न रोक लगाइएको हो ।

कोभिड महामारीसहित जनस्वास्थ्यका विषयमा विभागिय मन्त्रीहरु, मन्त्रालयले तोकेका पदाधिकारीलाई मात्र बोल्न दिन निर्णय समेत मन्त्रालयले गरेको छ ।

तोकिएका व्यक्तिबाहेक अरुलाई बोल्न रोक लगाइएको प्रवक्ता कृष्णप्रसाद पौडेलद्वारा जारी विज्ञप्तीमा उल्लेख छ । तोकिएका व्यक्ति बाहेक अरुलाई बोल्न रोक लगाइदिन आग्रह गर्दै मन्त्रालयले प्रधानमन्त्री तथा मन्त्रिपरिषद्को कार्यालयलाई पत्र समेत लेख्ने भएको छ ।

साथै, मन्त्रालयले अनाधिकृत जानकारी प्रकाशन तथा प्रसारण नगर्न र नगराउन समेत संचार माध्यमलाई आग्रह गरेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर