जतासुकै पत्र पठाएर खोप आउँछ भन्नु सरकारको कमजोरी : कांग्रेस (भिडियो)

काठमाडौं । प्रतिपक्षी दल नेपाली कांग्रेसले राष्ट्रपति विद्यादेवी भण्डारीले खोप प्राप्तिका लागि विभिन्न राष्ट्रहरुसँग गरेको पहललाई लिएर सरकारको आलोचना गरेको छ । ‘जतासुकै पत्र पठाएर खोप आउँछ भन्ने सरकारको कमजोरी’ रहेको उसको टिप्पणी छ ।

कांग्रेसले बजेट वक्तव्यमाथि आफ्नो औपचारिक प्रतिक्रिया सार्वजनिक गर्न आयोजना गरेको पत्रकार सम्मेलनमा छाया अर्थमन्त्री मिनेन्द्र रिजालले सो टिप्पणी गरेका हुन् । कोरोना नियन्त्रणमा प्रधानमन्त्री केपी शर्मा ओलीको हल्का प्रस्तुत र कदमले अप्ठेरो पारेको उनले बताए ।

राष्ट्रपति भण्डारीले केही दिनदेखि विभिन्न राष्ट्रप्रमुखहरुलाई पत्र पठाएर नेपाललाई खोप उपलब्ध गराउन आग्रह गर्दै आएकी छन् । जसअनुसार चीनबाट भोली ८ लाख खोप आउँदैछ ।