कैलालीमा २१९ जनामा संक्रमण, ३ जनाको मृत्यु
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/05/corona-3.jpg)
कैलाली । कैलालीमा पछिल्लो २४ घण्टामा २१९ जनामा कोरोना संक्रमण पुष्टि भएको छ । सेती प्रादेशिक अस्पतालको प्रयोगशालामा ७७६ जनाको परिक्षण गर्दा कैलालीका २१९ जनामा संक्रमण पुष्टि भएको हो ।
सबै भन्दा धेरै धनगढीमा भेटिएका छन् । धनगढीमा ११८ जनामा संक्रमण पुष्टि भएको सेती अस्पतालका सूचना अधिकारी दिलिप कुमार श्रेष्ठले जानकारी दिए ।
कैलालीका अन्य स्थानीय तहमा १०१ जना संक्रमित भएका छन् । कैलाली बाहेकका प्रदेशका अन्य जिल्लामा ५१ जनामा संक्रमण पुष्टि भएको छ । अहिले अस्थायी कोरोना अस्पतालमा ६७ जनाको उपचार भइरहेको छ ।
५ जनाको भेन्टिलेटरमा र २० जनाको आइसियुमा उपचार भइरहेको छ । पछिल्लो २४ घन्टामा ३ जना संक्रमितको मृत्यु भएको अस्पतालले जनाएको छ ।