यस्तो छ, चिनियाँ खोपको दोस्रो डोज लगाउने तालिका

काठमाडौं । सरकारले चिनियाँ खोप भेरोसेलको दोस्रो मात्रा लगाउनको लागि सर्वसाधरणलाई आव्हान गरेको छ । कोभिड १९ बिरुद्धको खोप चीनीयाँ खोप भेरोसेलको पहिलो मात्रा लगाएकाहरुलाई खोप लगाउन भनेको हो ।

स्वास्थ्य तथा जनसंख्या मन्त्रालयको २०७८/०१/२२ गतेको निर्णय अनुसार यही जेठ २ गते देखि खोप अभियान संञ्चालन गर्ने जनाएको छ ।

यस अवधिमा १८ देखि ५९ बर्ष उमेरका व्यक्तिहरुलाई खोप अभियान कार्यक्रम संचालन निर्देशिका २०७७ बमोजिम खोप लगाइने छ । स्वास्थ्य कार्यालयले काठमाडौं महानगर सहित ९ वटा पालिकाहरुमा खोप केन्द्र तोकिसकेको छ ।