सक्रिय संक्रमित संख्या ८३ हजार पुग्यो, काठमाडौंमा आज २,२७० थपिए

काठमाडौं । मुलुकमा कोरोनाभाइरसको सक्रिय संक्रमित संख्या शनिबारसम्म ८३ हजार ४९३ पुगेको छ ।

स्वास्थ्य मन्त्रालयका अनुसार यो कूल संक्रमित संख्याको २१.६४ प्रतिशत हो । काठमाडौं जिल्लामा मात्र सक्रिय संक्रमित संख्या २६ हजार ४२६ पुगेको छ ।

भक्तपुरमा ३५४० र ललितपुरमा ५७१२ पुगेको छ ।

काठमाडौंमा शनिबार २२७० जना संक्रमित थपिएका छन् । देशभर संक्रमण दर १४.७ प्रतिशत पुगेको छ । पजेटिभमध्ये मृत्युदर १.२ प्रतिशत छ ।

शनिबार मुलुकमा कोरोनाभाइरसका ८,४१८ संक्रमित थपिएका छन् । स्वास्थ्य मन्त्रालयका अनुसार पछिल्लो २४ घण्टामा ५३ जनाको मृत्यु भएको छ ।

प्रतिक्रिया

Leave a Reply

Your email address will not be published. Required fields are marked *