निषेधाज्ञालाई थप कडा तुल्याइन्छ : प्रधानमन्त्री ओली
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/05/kp-oli-1.jpg)
काठमाण्डौ । प्रधानमन्त्री केपी शर्मा ओली कोभिड-१९ विरुद्ध लागु गरिएको निषेधाज्ञामा थप कडाइ हुने बताएका छन् । सोमबार देशवासीका नाममा सम्बोधन गर्दै उनले महामारी नियन्त्रणका लागि सरकारले लागु गरेका मापदण्डलाई कडाइको साथ पालना गर्न समेत आग्रह गरे ।
निषेधाज्ञाको पालना गर्न समेत उनले आग्रह गरेका छन् । भीडभाड नगर्न, मास्क लगाउन र हात धुन आग्रह गर्दै प्रधानमन्त्रीले आम नागरिकलाई विचलित नभइ जनस्वास्थ्यका मापदण्ड पालना गर्न समेत आग्रह गरे । ओलीले पछिल्लो समय नेपालको कोभिड परिस्थितीबारे प्रकाश पारेका थिए ।
कोरोना सङ्क्रमणको पहिलो लहरमा गरिएको सावधानीका कारण महामारी फैलिन नपाएको र अहिले दोस्रो लहरमा पनि त्यस्तै सावधानी अपनाउन उनले आग्रह गरे । नागरिकको जीउधनको रक्षा गर्नु वर्तमान सरकारको मुख्य प्राथमिकता रहेको प्रधानमन्त्रीले बताए ।
पाँच दिनदेखि काठमाडौंसहित मुलुकका ४१ जिल्लामा कोभिडविरुद्ध निषेधाज्ञा लगाइएको छ ।