पूर्ण लकडाउन गर्न भारतीय उच्च अदालतको निर्देशन – Nepal Press

पूर्ण लकडाउन गर्न भारतीय उच्च अदालतको निर्देशन

दिल्ली । कोभिड संक्रमण भयावहरुपमा बढेको भन्दै भारतको उच्च न्यायलयले केन्द्र र राज्य सरकारलाई पूर्ण लकडाउन गर्न आदेश दिएको छ । विभिन्न चरणको सुनुवाइपछि अदालतको उक्त आदेश आएको हो ।

‘दोस्रो लहरको संक्रमण व्यापकरुपमा बढिरहँदा हामी भाइरस फैलने क्रमलाई रोक्न केन्द्र र राज्य सरकारलाई प्रतिबन्ध लगाउनेबारे निर्देशन दिन्छौं’ अदालतको आदेशलाई उध्दृत गर्दै जी-न्यूजले उल्लेख गरेको छ ।

साथै अदालतले भाइरस फैलाउने खालका जमघट, भीड र सुपर-स्प्रेडर खालका कार्यक्रम रोक्न समेत भनेको छ । साथै, जनकल्याणका लागि लकडाउन लागु गर्नेबारे पनि विचार गर्नको लागि अदालतले सुझाव दिएको छ ।

लकडाउन लागु गर्नुपूर्व सर्वसाधारणलाई राहत दिने खालका कार्यक्रम ल्याउन पनि अदालतले ध्यानाकर्षण गराएको छ ।

प्रतिक्रिया

Leave a Reply

Your email address will not be published. Required fields are marked *