त्यो लकडाउन, यो लकडाउन (फोटो/भिडियो) – Nepal Press
त्यो लकडाउन, यो लकडाउन (फोटो/भिडियो)
एलबी कटवाल २०७८ वैशाख १६ गते १८:२१
२०७८ वैशाख १६ गते १८:२१

काठमाडौं । कोरोना भाइरस (कोभिड-१९) को दोस्रो लहर शुरु भएसँगै काठमाडौंमा आजबाट अघोषित लकडाउन शुरु भएको छ । कोरोना संक्रमण रोक्न भन्दै लगाइएको लकडाउनका कारण जनताले अनेक सास्ति भोगिरहेका छन् ।

यसअघि अघिल्लो वर्ष पनि देशब्यापी लकडाउन गरिएको थियो । सुरुमा एक साताका लागि घोषणा गरिएको लकडाउन महिनौंसम्म लम्बियो । यद्यपि त्यतिबेलाको भन्दा अहिलेको लकडाउन खुकुलो देखिएको छ । त्योबेला जस्तो सन्नाटा अहिले छैन । आज बिहान अफिस टाइममा पासवाला सवारीसाधनहरु बाक्लै संख्यामा गुडेका थिए ।

अघिल्लो वर्ष अत्यधिक त्राशले गर्दा मानिसहरु सडकमा निस्किन डराएका थिए । तर, यो पाली त्राश घटेको छ । सुरक्षा निकायले पनि पहिलेको लकडाउनमा जस्तो कडाइ यसपालि गरेको छैन ।

पहिलेको लकडाउनमा अटेर गर्ने सवारीसाधन र सर्बसाधारणलाई प्रहरीले सडकमै होल्डिङमा राखी कारवाही गर्ने गरेका थिए । कतिपय ठाउँमा प्रहरीले लाठी चार्जसमेत गरेको थियो । इटहरी र सप्तरी लगायतका ठाउँमा प्रहरीले लाठीचार्ज गरेका तस्वीर सामाजिक सञ्जालमा भाइरल भएको थियो ।

त्यसबेला प्रहरीले देशभर कडाइका साथ लकडाउन कार्यान्वयन गरेको थियो । लकडाउनको पालना नगरी खोलिएका खाजा घर, मदिरा पसलमा पनि छापा मारी बन्द गराइएका थिए । लोकल मदिरा प्रहरीले सडकमा खन्याई नष्ट गर्ने गरेको थियो ।

केही तस्बिरमा हेनुस् ०७७ सालको लकडाउनः

२०७७ चैतको लकडाउन उल्लङ्घन गर्नेलाई काठमाडौंको गौरीघाटमा लाठि चार्ज गर्दै प्रहरी ।








सरकारले काठमाडौंमा आजबाट फेरी दुई साताका लागि लकडाउन गरेको छ । लकडाउनमा अत्यावश्यक सवारी साधन, सुरक्षाकर्मी, स्वास्थ्यकर्मी, कुटनीतिक नियोग, एम्बुलेन्स, बैंकका कर्मचारी, फलफुल, तरकारी, मेडिकल, खाद्यान्न लगायतलाई आवतजावतमा रोक लगाइएको छैन ।

आज लकडाउनको पहिलो दिन सडकमा एकैपटक धेरै मानिस र सवारीसाधन निस्किदा ठाउँ-ठाउँमा जाम समेत भएको थियो ।

भिडियोमा हेर्नुस् त्यो लकडाउन, यो लकडाउन :

तस्बिरमा हेर्नुस् लकडाउनमा काठमाडौंको आजको सडकः

 
 
 

 
 
  

 
 
 
  
 


यो पनि पढ्नुस् :

सडकमा परिचयपत्रधारी सवारी चालकको लावालस्कर, निषेधाज्ञा यसरी हुँदैछ निष्प्रभावी