कोरोना नियन्त्रणमा सहयोग गर्न मुख्यमन्त्रीको भट्टको आग्रह

कैलाली । सुदूरपश्चिम प्रदेशमा मुख्यमन्त्री त्रिलोचन भट्टले कोभिड-१९ रोकथाम, नियन्त्रण र व्यवस्थापनमा सहयोग गर्न संघीय स्वास्थ्य सेवा विभागको टोलीसँग आग्रह गरेका छन् ।

बुधवार स्वास्थ्य सेवा विभागका महानिर्देशक दिपेन्द्ररमण श्रेष्ठको नेतृत्वमा स्वास्थ्य क्षेत्रको अवस्था बुझ्न धनगढी पुगेको संघीय स्वास्थ्य सेवा विभागको टोलीलाई मुख्यमन्त्री भट्टले कोरोना नियन्त्रणका लागि प्रदेशमा सहयोग गर्न आग्रह गरेका हुन् ।

भारतबाट आउने नेपालीको व्यवस्थापन, उनीहरूको परीक्षणको लागि किट र उपचार, उपकरण र दक्ष जनशक्ति तथा पर्याप्त अक्सिजनका लागि मुख्यमन्त्री भट्टले टोलीलाई आग्रह गरेका थिए ।

टोलीमा बाल स्वास्थ्य महाशाखा निर्देशक, जनस्वास्थ्य प्रमुख लगायतको सहभागिता रहेको थियो ।

यसअघि सोही टोलीले सामाजिक विकास मन्त्रालयमा कोभिड-१९ रोकथाम, नियन्त्रण र व्यवस्थापनका लागि आवश्यक सहयोग गर्ने सम्बन्धी निजी अस्पताल सञ्चालकहरूसँग पनि छलफल गरेको थियो ।

प्रतिक्रिया

Leave a Reply

Your email address will not be published. Required fields are marked *