महेशको शब्द र संगीतमा ‘डन’ आयो (भिडियो)

काठमाडौं । नेपाली म्यूजिक भिडियो निर्माणको क्षेत्रमा नेपाल बाहिर बस्ने नेपालीको योगदान उच्च रहदै आएको छ ।

नेपाल बाहिर बस्ने धेरै नेपालीहरुले पछिल्लो समय गुणस्तरीय म्यूजिक भिडियोहरु निर्माण गरिरहेका छन्। यसै मध्येका एक हुन् राजु कान । अष्ट्रेलियामा रहेर धेरै गीतहरुमा मोडलिङ र निर्देशन गरिसकेका राजुको निर्देशन र अभिनयमा ‘डन’ गीतको म्युजिक भिडियो सार्वजनिक भएको छ ।

लोकप्रिय गायकहरु सशान कंडेल र बिनय कार्कीको स्वर रहेको हार्डरक जनराको गीत ‘डन’ मा महेश ज्ञवालीको शब्द र संगीत रहेको छ ।

गीतको भिडियोमा राजु कान, देव नेपाली, प्रतिभा महर्जन र हिलारी रावलको अभिनय रहेको छ । अष्ट्रेलियामै छायांकन गरिएको गीतको भिडियोमा कृष्ण सुबेदीको सिनेमाटोग्राफी, विकास दाहालको सम्पादन रहेको छ ।