किम कार्दासियन पनि अर्बपति सूचीमा, सम्पत्ति १.८ बिलियन डलर पुग्यो

न्यूयोर्क । अमेरिकी रियालिटी स्टार किम कार्दासियन अर्बपतिको सूचीमा सामेल भएकी छिन्् । विश्वप्रसिद्ध फोब्र्स म्यागजिनले प्रकाशित गरेको धनाढ्य सूचीमा कार्दासियन २,७५५ स्थानमा छिन् ।

उनको सम्पत्ति १.८ बिलियन अमेरिकी डलर रहेको म्यागजिनले जनाएको छ । कस्मेटिक र कपडाको ब्यापार गरेर धनी भएकी कार्दासियनको सम्पत्ति टेलिभिजन विज्ञापनसहित विभिन्न ब्रान्ड इन्डोर्स गरबापत उछाल भएको जनाइएको छ ।

उनले कस्मेटिक व्यवसाय गरेरै १ बिलियन डलर आम्दानी गरेको फोब्र्सले उल्लेख छ । अमेजन मालिक जेफ बेजोस् १८८ बिलियन डलरसहित सूचीको पहिलो स्थानमा छन् ।

कार्दासियनका पति केनी वेस्ट चाहिँ १.८ बिलियन डलरसहित यसअघि नै अर्बपतिको सूचीमा थिए तर, उनकी बहिनी केली जेनरले गत मे महिनामा उनलाई सूचीबाट विस्थापित गरेकी थिइन् ।

फोब्र्सका अनुसार ४० वर्षे कार्दासियनको सम्पत्ति गत अक्टोबरमा ७८० मिलियन डलरबाट बढेर १ बिलियन डलर पुगेको थियो । ब्यूटी कस्मेटिक व्यापार र सेपवेयर कम्पनीको हिस्साले उनको सम्पत्तिमा वृद्धि भएको जनाइएको छ ।