‘हिमानी’ छाडेर वाग्लेले निर्देशन गर्ने भए ‘विवेक’, बिपिन र स्वस्तिमा जोडी बाँध्दै

काठमाडौं । केही समयअघि माधव वाग्लेले फिल्म ‘हिमानी’ निर्माण एवं निर्देशन गर्ने चर्चा थियो । अहिले भने उनले यो फिल्मलाई तत्काल निर्माण नगर्ने भएका छन् ।

सुपरहिट फिल्म ‘लुट’ निर्माता समेत रहेका वाग्लेले बिपिन कार्की र स्वस्तिमा खड्कालाई लिएर ‘विवेक’ निर्माण एवं निर्देशन गर्ने भएका छन् । यो फिल्मको अडिसन शनिबार जनकपुरमा हुँदैछ र सोही ठाउँमा फिल्म सुटिङ हुने भएको छ ।

बैशाख पहिलो सातादेखि फिल्म सुटिङ सुरु हुने र मुख्य भूमिकामा बिपिन तथा स्वस्तिमा हुने जानकारी उनले दिए । मधेशी युवाको यथार्थ कथामा निर्माण हुने फिल्मको पटकथा लोकनाथ कोइरालाले लेखेका हुन् ।

वाग्लेले फिल्मको अडिसन पोस्टरमा बिपिन कार्की चित्रण गरिएको टीजर पोस्टर पनि लन्च गरेका छन् । फिल्म विवेक निर्माण भएपछिमात्र पूर्वनिर्धारित फिल्म हिमानी निर्माण सुरु हुने जानकारी उनले दिए ।