सुदूरपश्चिममा नेपाल समूहको समानान्तर कमिटी, संयोजकमा भीम रावल – Nepal Press

सुदूरपश्चिममा नेपाल समूहको समानान्तर कमिटी, संयोजकमा भीम रावल

कैलाली । नेकपा एमालेको माधव नेपाल समूहले सुदूरपश्चिममा भीम रावलको संयोजकत्वमा समानान्तर कमिटी निर्माण गरेको छ । सो समूहको मंगलबार सम्पन्न प्रदेशस्तरीय विस्तारित बैठकले समानान्तर कमिटी बनाएको हो ।

प्रदेश, जिल्ला, स्थानीय तह र भातृ संगठनमा समेत रिक्त पदमा जिम्मेवारी तोकिएको स्रोतले बतायो । स्रोतका अनुसार दार्चुलाबाहेक प्रदेशका ८ जिल्लाको जिम्मेवारी तोकिएको छ ।

जसअनुसार कैलाली अध्यक्षमा दीर्घ सोडारी, कञ्चनपुरमा तारा लामा तामाङ, डोटीमा चक्रबहादुर मल्ल, डडेल्धुरामा तारा जोशी, बैतडीमा महादेव भट्ट, अछाममा शेरबहादुर कुँवर, बझाङमा दिलबहादुर सिंह र बाजुरामा गगन रावललाई जिम्मेवारी दिइएको छ ।

नेपाल पक्षको एमाले प्रदेश कमिटी सदस्य तथा कार्यालय सचिव दिनेश सुवेदीले प्रदेशमा सबै कमिटीलाई पूर्णता दिने जानकारी दिए । कमिटीको विस्तारित स्वरूपबारे केही दिनमै पत्रकार सम्मेलन गरिने उनले बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर