डढेलो बढेपछि पुनः फैलियो तुवाँलो, मौसममा तीनदिन सुधार नहुने – Nepal Press

डढेलो बढेपछि पुनः फैलियो तुवाँलो, मौसममा तीनदिन सुधार नहुने

काठमाडौं । डढेलो लाग्ने क्रम पुनः बढेपछि उपत्यकासहिको वायुमण्डलमा तुवाँलो फैलिएको छ । वायुमण्डल स्थिर हुँदा अझै ३ दिनसम्म राम्रोसँग घाम नलाग्ने र प्रदूषण बढ्नसक्ने जल तथा मौसम विज्ञान विभागले जनाएको छ ।

नेपाल प्रेससँग कुरा गर्दै मौसमविद् मीनकुमार अर्यालले डढेलोको कारण पुनः तुँवालो लाग्ने क्रम सुरु भएको बताए । ठूलै पानी र हावा नचले तीनदिनसम्म घाम नलाग्ने र तुवाँलो अझै बढ्ने उनले जनाए ।

उनका अनुसार अहिले ६ देखि ७ सय जंगलमा डढेलो लागेको छ । जसको असर सोमबारदेखिको मौसममा देखिन सुरु भएको हो । ‘स्थानीय प्रणाली विकास नहुँदा तत्काल ठूलै पानी पर्ने सम्भावना पनि छैन’ उनले भने, ‘जसले गर्दा वायुमण्डल केही दिन स्थिर हुनेछ ।’

वितेको २४ घण्टामा काठमाडौं उपत्यकाको एक्युआई (वायुगुणस्तर मापन) र माथिल्लो तस्विरमा २४ घण्टामा नेपाली आकाशमा देखिएको डढेलोको नासाले खिचेको तस्विर ।

काठमाडौंमा ३ देखि ४ किलोमिटरसम्म भिजिब्लिटी हुनसक्ने विभागले जनाएको छ । ‘सुदुरपश्चिम, कर्णाली र बागमतीमा हल्का वर्षा हुनसक्ने देखिन्छ बेलुकापख तर, यो वर्षाले तुवाँलो हट्दैन’ अर्यालले भने ।

वायुको गुणस्तर मापन गर्ने सूचक (एक्यूआइ) सोमबारदेखि पुनः वृद्धि भएको छ । जसअन्तर्गत काठमाडौं दरबारमार्गतको एक्युआइ ३०७ पीएम छ । अमेरिकी दुतावासको एक्युआइ ३००, भक्तपुरको १८७, झम्सिखेलको २६६ छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर