सगरमाथा जित्ने पहिलो कतारी महिला बन्ने उद्देश्य लिएर आस्मा काठमाडौंमा – Nepal Press

सगरमाथा जित्ने पहिलो कतारी महिला बन्ने उद्देश्य लिएर आस्मा काठमाडौंमा

काठमाडौं । आउँदो गर्मीयाममा सगरमाथा आरोहणका लागि ३१ वर्षिया कतारी महिला शेइखा आस्मा अल थानी काठमाडौं आइपुगेकी छिन् । पहिलो कतारी महिलाको रुपमा सर्वोच्च शिखर चढ्ने उनको योजना छ ।

समग्रमा मध्यपूर्वबाट सर्वोच्च शिखर चढ्ने पहिलो महिला बन्ने उनको उद्देश्य हुनेछ । सगरमाथाको उत्तरी र दक्षिणी मोहडाबाट चढ्ने उनको योजना छ । सगरमाथासहित सात हिमाल चढ्ने उद्देश्य लिएर उनी पर्वतारोहणमा निस्किएकी हुन् ।

तर, सगरमाथा आरोहणको प्रयास गर्ने कुरामा चाहिँ उनी तेस्रो कतारी महिला हुनेछिन् । ‘म युवा हुँदादेखि नै मलाई सगरमाथा चढ्ने सपना थियो र त्यो पुरा गर्ने अठोट बोकेकी छु’ उनले भनिन् ।

आउँदो बैशाख मध्यतिर सगरमाथा चढ्ने उनको तयारी छ । यसअघि पनि सगरमाथा आधार शिविरमा हाइकिङमा निस्किएकी थिइन् । कतार ओलम्पिक कमिटीकी बरिष्ठ अधिकारी सहित रहेकी आस्मा मध्यपूर्वको खेलवृत्तमा चर्चित नाम हो ।

विहिबार आस्माले काठमाडौंको याक एन्ड यतीमा पर्वतारोही र आरोहण दलका समूहसँग अन्तक्रिया गरिन् ।

प्रतिक्रिया

Leave a Reply

Your email address will not be published. Required fields are marked *