कैलालीमा १५ जनामा संक्रमण पुष्टि, १२ जनाको ‘ट्राभल हिस्ट्री’ भारत – Nepal Press

कैलालीमा १५ जनामा संक्रमण पुष्टि, १२ जनाको ‘ट्राभल हिस्ट्री’ भारत

कैलाली । कैलालीमा सोमबार १५ जनामा कोरोना संक्रमण पुष्टि भएको छ ।

सेती प्रादेशिक अस्पतालको प्रयोगशालामा गरिएको परीक्षणमा १५ जनामा संक्रमण पुष्टि भएको अस्पतालका सूचना अधिकारी दिलीप कुमार श्रेष्ठले जानकारी दिए । ती मध्ये १२ जना भारतबाट आएका हुन् ।

कोरोना संक्रमण नियन्त्रणमा आइसकेपछि पहिले पटक कैलालीमा यति ठुलो संख्यमा सङ्क्रमित फेला परेका हुन् । यसले पुन संक्रमण फैलिन सक्ने सङ्केत देखिएको सूचना अधिकारी श्रेष्ठले बताए ।

भारतका विभिन्न क्षेत्रबाट आएकाहरू मध्ये कोरोना लक्षण देखिएकाहरूलाई सीमा क्षेत्रमै एन्टिजेन परीक्षण गर्ने व्यवस्था गरिएको छ । एन्टिजेन परीक्षणमा संक्रमण पुष्टि भएकाहरूको पिसिआर परीक्षण पनि गरिने गरिएको छ । ती मध्येका १२ जना त्रिनगर हेल्थ डेस्कबाट पठाइएको नमुना रहेको श्रेष्ठले बताए ।

अहिले सम्म यी १२ जना सम्पर्कमा छैनन् । उनीहरू कैलाली लगायत अन्य जिल्लाका समेत हुन् । अहिले सेती प्रादेशिक अस्पतालमा ४ जना उपचाररत छन् । ती मध्ये २ जनाको आइसियुमा उपचार भइरहेको छ ।

प्रतिक्रिया

Leave a Reply

Your email address will not be published.