बालुवाटार पुगेर सभामुखले भेटे प्रधानमन्त्री
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/03/oli-and-agni-sapkota.jpg)
काठमाडौं । प्रधानमन्त्री केपी शर्मा ओलीसँग प्रतिनिधिसभाका सभामुख अग्निप्रसाद सापकोटाले बालुवाटारमा भेटघाट गरेका छन् ।
प्रतिनिधिसभा पुन:स्थापना भएयता प्रधानमन्त्री र सभामुखबीच पहिलोपटक भेट भएको हो।
प्रधानमन्त्री ओलीले सभामुख सापकोटाले संसद संचालन प्रक्रियामा सहयोगी नबनेको सभामुखमाथि आरोप लगाउँदै आएका छन् ।
आइतबार बिहान बालुवाटारमा ११ बजे भएको भेटवार्ता करिब २ घण्टासम्म चलेको थियो । सभामुख सापकोटाका प्रेस सल्लाहकार श्रीधर न्यौपानले समग्र संसदलाई प्रभावकारी बनाउने, महत्वपूर्ण र जरुरी विधेयकलाई अगाडि बढाउने विषयमा छलफल भएको जानकारी दिए ।
प्रधानमन्त्रीका प्रेस सल्लाहाकार सूर्य थापाका अनुसार प्रधानमन्त्री र सभामुखबीच शिष्टाचार भेटघाट भएको र भेटमा संसदलाई प्रभावकारी बनाउने विषयमा छुट्टै कुराकानी भएको छ ।