बंगलादेशविरुद्ध नेपाल : पहिलो हाफ गोलरहित बराबरी – Nepal Press

बंगलादेशविरुद्ध नेपाल : पहिलो हाफ गोलरहित बराबरी

काठमाडौं । थ्री नेसन्स कपको फाइनल पुग्न कम्तीमा बराबरीको नतिजा निकाल्नै पर्ने लक्ष्यसहित मैदानमा उत्रिएको नेपाली राष्ट्रिय फुटबल टोलीले पहिलो हाफमा गोलरहित बराबरी खेलेको छ ।

दशरथ रंगशालामा भएको खेलमा दुवैतर्फबाट गोलका लागि केही अवसर सिर्जना भए पनि फिनिसिङमा चुक्दा गोल हुन सकेन ।

आक्रामक शैलीमा प्रस्तुत भएको नेपालका लागि २१औं मिनेटमा त्रिदेव गुरुङको क्रसमा अञ्जन विष्टले १८ यार्ड बक्स भित्रबाट प्रहार गरेको हेडर क्रसबारमाथिबाट बाहिरिएको थियो ।

त्यसको तीन मिनेट नबित्दै त्रिदेवले २४औं मिनेटमा प्रहार गरेको भली फ्रेममा परेको थिएन ।0

नेपाली रक्षापंक्तिलाई व्यस्त राखेको बंगलादेशका फरवार्ड राकिब होसेनमाथि ३९औं मिनेटमा खराब फाउल गरेका संजोग राईले पहेँलो कार्ड पाएका थिए ।

सोही फाउलमा पाएको फ्रि किकमार्फत बंगलादेशका कप्तान जमल भुयाको प्रहार पोस्टको नजिकबाट बाहिर गएको थियो ।

विपक्षी खेलाडीमाथि फाउल गरेका नेपाली डिफेन्डर रन्जित धिमालले पनि ४४औं मिनेटमा पहेँलो कार्ड पाएका थिए ।

पहिलो खेलमा किर्गिस्तान यु २३ लाई १-० ले पराजित गरेको बंगलादेश एक खेल अगावै फाइनलमा पुगिसकेको छ । पहिलो खेलमा किर्गिज युवा टोलीसँग गोलरहित बराबरीमा रोकिएको नेपाललाई फाइनल पुग्न कम्तिमा बराबरी आवश्यक छ ।


प्रतिक्रिया

Leave a Reply

Your email address will not be published. Required fields are marked *