पश्चिम बंगालमा पहिलो चरणको मतदान सुरु, मोदी र बेनर्जीको दलबीच टक्कर

भारतको पश्चिम बंगालमा आजदेखि विधान सभाको चुनाव सुरु भएको छ । ३० सिटका लागि पहिलो चरणको मतदान शनिबार बिहानदेखि सुरु भएको छ ।

बेलुका ६ बजेसम्म मतदाताले भोट गर्ने व्यवस्था गरिएको छ । राज्यमा नयाँ सरकार निर्माणका लागि १.५४ करोड मतदाताले चुनावमा भाग लिँदैछन् ।

पहिलो चरणमा पश्चिम बंगालमा ३० सिट र आसामको लागि ४७ सिटमा मतदान हुँदैछ । प्रधानमन्त्री नरेन्द्र मोदीले उमेर पुगेका मतदातालाई भोट गर्न आग्रह गरेका छन् ।

आठ चरणमा हुने पश्चिम बंगालको चुनावको नतिजा आगामी मे महिनामा आउने जनाइएको छ । पहिलो चरणमा १९१ उम्मेदवारको छिनोफानो हुनेछ । मोदीको दल बीजेपी र ममता बेनर्जीको तृणमूल कंग्रेसबीच टक्कर हुनेछ ।