अप्रिल १७ देखि कीर्तिपुरमा त्रिदेशीय शृंखला: नेपालसहित नेदरल्यान्ड्स र मलेसिया भिड्ने

काठमाडौं । नेपाल क्रिकेट संघ (क्यान)ले अप्रिल १७ देखि २४ सम्म किर्तिपुरमा त्रिदेशीय ट्वान्टी-२० प्रतियोगिताको आयोजना गर्ने घोषणा गरेको छ । राउन्ड रोबिन पद्धतिमा हुने प्रतियोगिताको पहिलो चरणबाट शीर्ष दुई टोलीले फाइनल खेल्ने क्यानले जानकारी दिएको छ ।

क्यानका अध्यक्ष चतुर बहादुर चन्दले मलेसिया र नेदरल्यान्ड्स क्रिकेटलाई धन्यवाद् दिँदै नेपालमा अन्तर्राष्ट्रिय क्रिकेनट फर्किएको घोषणा गर्न पाउँदा खुशी लागेको बताएका छन् ।

त्यस्तै नेदरल्यान्डका प्रशिक्षक रायन क्याम्पबेलले २०१९ देखि क्रिकेट खेल्न नपाइरहेका बेला नेपालले सिरिजको घोषणा गर्दा एकदमै हर्षित भएको बताएका छन् ।

मलेसियन क्रिकेट संघका अध्यक्षा महिन्दा भलिपुरमले अन्तर्राष्ट्रिय क्रिकेटमा लागेको लामो समयको खडेरी तोडिन लागेको बताउँदै प्रतियोगिताका लागि उत्साहित रहेको प्रतिक्रिया दिएका छन् ।