कोरोना संक्रमण नकारात्मकतातिर जान खोज्या छ, तर स्थिति भयावह छैन: प्रधानमन्त्री – Nepal Press

कोरोना संक्रमण नकारात्मकतातिर जान खोज्या छ, तर स्थिति भयावह छैन: प्रधानमन्त्री

काठमाडौं । प्रधानमन्त्री केपी शर्मा ओलीले पछिल्लो समय कोरोना संक्रमण बढे पनि स्थिति भयावह भने नरहेको बताएका छन् ।  बुधबार कोभिड–१९ संकट व्यवस्थापन केन्द्र सीसीएमसीबाट प्रकाशित नेपालमा कोभिड–१९ महामारी र प्रतिकार्य प्रतिवेदन सार्वजनिकीकरण कार्यक्रममा प्रधानमन्त्री ओलीले कोभिड–१९ को संक्रमण नकारात्मकतातिर जाने लक्षण देखिएको भन्दै भयावह हुन नदिन ध्यान दिनुपर्ने बताए।

‘तीन दिनदेखि लक्षण फेरि नकारात्मकतातिर जान खोज्या होकी, यद्यपी स्थिति भयावह छैन तर, भयावह हुन नपाओस् भनेर हुनभन्दा अगाडि नै हामीले ध्यान दिनुपर्दछ,’ ओलीले भने, ‘अहिले स्थिति भयावह छैन । यसको अर्को जेनेरेशन चाहीँ अझ बढी खतरनाक ढंगले अर्कै प्रकृतिमा पैदा भएको छ ।’

भाइरस पूर्ण रुपमा नियन्त्रण नगरेसम्म खतरा भइरहने प्रधानमन्त्रीको भनाइ छ। ‘हिजोको कोभिड–१९ लाई हेरेर तयार गरेको खोपले नयाँ भाइरसलाई काम गर्छ कि गर्दैन त्यो पनि थाहा छैन,’ ओलीको भनाइ छ, ‘एकपटक कडाइका साथ नियन्त्रण गरेर निर्मुल गर्नुपर्ने । खोप लगाएर निर्मुलन हुन सजिलो छैन । पूर्ण रुपमा नियन्त्रण नगरेसम्म खतरा भइरहन्छ।’


प्रतिक्रिया

Leave a Reply

Your email address will not be published. Required fields are marked *

सम्बन्धित खवर