संसदमा दिलेन्द्र बडु- भारततिर बगर बनेको नेपाली जमिनमा सरकार किन मौन ? – Nepal Press

संसदमा दिलेन्द्र बडु- भारततिर बगर बनेको नेपाली जमिनमा सरकार किन मौन ?

काठमाडौं । नेपाली कांग्रेसका सांसद दिलेन्द्रप्रसाद बडुले दार्चुलामा आएको बाढीका कारण नेपाली भूमि खण्डित भएको र भारततर्फ परेको भन्दै त्यसलाई फिर्ता ल्याउन सरकारको ध्यानाकर्षण गराएका छन् । बडु दार्चुलाबाट प्रतिनिधित्व गरेका सांसद हुन् ।

प्रतिनिसभाको मंगलबारको बैठकको शुरूमै समय लिएर बोल्दै उनले बाढीका कारण ३५ हेक्टर जमिन भारततिर बगर बनेको जानकारी गराए।

‘नेपाल सरकार बेखबर छ, सुतिरहेको छ,’ उनले भने, ‘१ हजार ४३ रोपनी बाढीले बगायो र धेरै हिस्सा भारतिर गयो ।
३५ हेक्टर जमिन भारततिर बगर बनेको छ ।’

उक्त भूमि अहिले भारतले आफ्नो बनाउने गरी तटबन्द लगाउन थालेको भन्दै त्यसमा सरकारले पहल गर्नुपर्ने उनले माग गरे । सीमामा कुनै पनि संरचना बनाउँदा दोस्रो देशको सहमति लिनुपर्ने भए पनि भारतले त्यसो नगरेको भन्दै ‘यस विषयमा सरकार मौन किन रहेको हो ?’ भनी प्रश्न समेत गरे।

‘मिडियाले यो विषय व्यापक रूपमा लेखिरहेका छन् तर सरकारले किन अनभिज्ञता प्रकट गरिरहेको छ ?,’ उनको प्रश्न छ, ‘आफ्नो भूमि गुम्ने विषयमा पनि किन मौन ?’

प्रतिक्रिया

Leave a Reply

Your email address will not be published. Required fields are marked *