नेपाल भ्रमणमा आउने नागरिकलाई दक्षिण कोरियाले जारी गर्‍यो ट्राभल एड्भाइजरी – Nepal Press

नेपाल भ्रमणमा आउने नागरिकलाई दक्षिण कोरियाले जारी गर्‍यो ट्राभल एड्भाइजरी

काठमाडौं । नेपाल भ्रमण गर्न आउने आफ्ना नागरिकलाई सचेत हुन भन्दै दक्षिण कोरियाले सोमबार ट्राभल एड्भाइजरी जारी गरेको छ ।

काठमाडौंस्थित कोरियाली दुतावासले खासगरि हिमाली क्षेत्रमा पदयात्रामा आउन चाहने आफ्ना नागरिकलाई वातावरणीय, लैंगिक र कानुनीरुपमा सचेत हुनको लागि निर्देशन जारी गरेको हो ।

हिमाली क्षेत्रमा मौसम परिवर्तन, ३ हजार मिटरमाथि पदयात्रा गर्दा हुनसक्ने बिरामी र पदयात्रा गर्दा हुनसक्ने लुटपाटबारे सचेत हुन भनिएको छ । भरिया वा गाइड लिँदा अनुमति प्राप्त ट्राभल एजेन्सीबाट लिन पनि दुतावासले भनेको छ ।

सस्तो दरमा उपलब्ध हुने भरिया वा गाइड लिँदा लुटपाटको जोखिम हुने भएकाले त्यसतर्फ सचेत हुन भनिएको छ । महिला ट्रेकर वा भरिया भए यौनिक जोक्स र भौतिक स्पर्श नगर्न पनि सचेत गराइएको छ । नेपालमा यौन दुव्र्यहारलाई सामाजिक अपराधको रुपमा लिइने भएकाले दुतावासले त्यसो नगर्न भनेको हो ।

प्रतिक्रिया

Leave a Reply

Your email address will not be published.