प्रधानमन्त्री भन्छन्- सभामुख सरकार विरोधी सेटिङमा छन्

काठमाडौं । प्रधानमन्त्री केपी शर्मा ओलीले सभामुख अग्निप्रसाद सापकोटा सरकार विरोधी सेटिङमा चलिरहेको आरोप लगाएका छन् । एमाले संसदीय दलको बैठकलाई सम्बोधन गर्दै ओलीले संसदलाई सरकारविरुद्ध प्रयोग गर्न सभामुख सापकोटा सिपालु रहेको बताए ।

सरकारले सदनलाई बिजनेश दिएन भन्ने कुरा गगलत रहेको भन्दै अध्यादेश तथा विधेयक प्रशस्तै रहे पनि सभामुखले सहयोग नगरेको ओलीले बताए ।

प्रधानमन्त्रीले भने- हिजो सदन चलेको होइन, भाषण चलेको हो । सभामुख सरकार विरोधी सेटिङमा छन् । सभामुख र मुद्दा लडेर आउने साथीहरुको पनि दायित्व हो संविधान कार्यन्वयन गराउने । तर यो संसद चल्न सक्दैन भन्ने देखिइसकेको छ ।