प्रधानमन्त्रीको प्रश्न: अहिले सडकमा मान्छे लडिरहेको र कागले घाउ ठुँगिरहेको देख्नुहुन्छ ?

काठमाडौं । प्रधानमन्त्री केपी शर्मा ओलीले देशमा सडक बालबालिका र बेसहारा नागरिक कोही नरहेको दावी गरेका छन् । सरकारले सबैको व्यवस्थापन गरेको भन्दै उनले सडकमा मान्छे लडिरहेको दृष्य देखिन छोडेको बताए ।

उद्योगी व्यापारीसँगको अन्तरक्रियामा बोल्दै प्रधानमन्त्री ओलीले यस्तो बताएका हुन् । ‘पहिले जसलाई खाते भनिन्थ्यो, त्यो अहिले छैन,’ ओलीले भने, ‘कसैले माइतीघरमा कसैलाई गाली गर्न त्यो शब्द प्रयोग गर्यो भने छुट्टै कुरा हो, नत्र सडकमा बालबालिकाहरु अहिले छैनन् ।’

उनले थपे, ‘पहिले सडकमा मान्छेहरुको बेहाल देखिन्थ्यो । बेसहारा अवस्थामा मान्छेहरु लडिरहेका हुन्थे । शरीरभरि घाउ हुन्थ्यो । सम्पन्न र दयालु मान्छेले चाहेर पनि उनीहरुलाई घर लैजान सक्दैनथे । त्यसैले देखेर पनि नदेखेजस्तो गरेर हिँड्न्पथ्र्यो ? अहिले त्यस्तो कसैले देखेको छ ?

सडकमा मान्छे लडेको र कागले घाउ ठुँगिरहेको कहिँ देख्नुहुन्छ ? कडा डिप्रेसन भएको मान्छे एक्लै बोल्दै हिँडिरहेको देख्नुहुन्छ ? अहँ त्यस्तो देख्नु्हुन्न । अहिलेको सरकारले त्यो हटाएको छ ।’

प्रतिक्रिया

Leave a Reply

Your email address will not be published. Required fields are marked *