‘जातको प्रश्न’ वर्ल्ड जस्टिस च्यालेन्ज-२०२१ को अन्तिम ३० मा छनोट

काठमाडौं । समता फाउन्डेसनको टेलिभिजन संवाद ‘जातको प्रश्न’ वर्ल्ड जस्टिस च्यालेन्ज-२०२१ को अन्तिम ३० मा छनोट भएको छ । ‘च्यालेञ्ज २०२१: एड्भान्सिङ द रूल अफ ल इन अ टाइम अफ क्राइसिस’ मा विश्वका १ सय १४ देशबाट ४ सइ २५ भन्दा धेरै आवेदन परेका थिए ।

लोकप्रिय अभिनेता राजेश हमालले सञ्चालन गरेको १२ अङ्कको जातको प्रश्न कान्तिपुर टेलिभिजनबाट प्रसारण भएको थियो ।

सन् २००६ मा अमेरिकन बार एसोसिएसनको अभियानका रूपमा स्थापना भएको ‘वर्ल्ड जस्टिस प्रोजेक्ट’ सन् २००९ देखि विधीको शासन प्रवर्द्धन गर्ने गैरनाफामुखी संस्थामा रूपान्तरण भएको हो । संस्थाको कार्यालय वाशिङ्टन डिसी, सियाटल, सिंगापुर र मेक्सिको सिटीमा छ ।

‘जातको प्रश्न’ले दिलाएको यो सफलताले अझ उत्साहित भएको र सामाजिक न्यायका लागि प्राज्ञिक बहसको यात्रा निरन्तर जारी रहने समता फाउन्डेसनका कार्यकारी अध्यक्ष प्रदिप परियारले बताएका छन् ।