निर्वाचन आयोगले एमाले र माओवादीलाई बोलाउँदै

काठमाडौं । निर्वाचन आयोगले सर्वोच्च अदालतको फैसलाबाट पुनःस्थापित नेकपा एमाले र नेकपा माओवादी केन्द्रलाई आजै पत्राचार गर्ने भएको छ । एमाले र माओवादी केन्द्रको नाम र चुनाव चिन्हका लागि सम्पर्कमा आउन पत्राचार गरिने आयोगका प्रवक्ता राजकुमार श्रेष्ठले नेपाल प्रेसलाई जानकारी दिए ।

तत्कालिन नेकपाको आधिकारिकता विवाद टुंग्याउने ठूलो सकसबाट मुक्त भएको आयोगले अब अदालतको फैसला कार्यन्वयन गर्ने भएको छ । अदालतको फैसला शुक्रवारनै आयोगमा पुगेको थियो ।

आयोगले अदालतको फैसला अनुसार पुनः एकीकरण भएर नयाँ नाम लिएर आउन वा साबिक एमाले र माओवादी केन्द्रको नाम दर्ताका लागि प्रक्रिया अघि बढाउन मौका दिनेछ ।

अब तत्काल एमाले र माओवादी एकीकरणको सम्भावना नरहेकाले एमालेको चुनाव चिन्ह सूर्य र माओवादी केन्द्रको चुनाव चिन्ह गोलाकारभित्रको हँसिया हथौडा नै हुनेछ ।

प्रतिक्रिया

Leave a Reply

Your email address will not be published. Required fields are marked *