नारी दिवस औपचारिकतामा सीमित भयो: मुख्यमन्त्री भट्ट

कैलाली । सुदूरपश्चिम प्रदेशका मुख्यमन्त्री त्रिलोचन भट्टले नारी दिवस औपचारिकतामा सीमित हुन थालेको बताएका छन् । ११ औँ अन्तर्राष्ट्रिय श्रमिक महिला दिवसको अवसरमा धनगढीमा आयोजित कार्यक्रममा मुख्यमन्त्री भट्टले दिवसलाई औपचारिकतामा सीमित पार्न नहुने बताएका हुन् ।

‘दिवसहरू औपचारिकतामा सीमित हुन थोलेका छन्’ मुख्यमन्त्री भट्टले भने, ‘समग्र रूपमा महिलालाई अधिकार दिन आवश्यक छ ।’
प्राप्त अधिकारको रक्षा गर्नु अहिलेको सबै भन्दा ठुलो चुनौती रहेको मुख्यमन्त्री भट्टले बताए ।

सुदूरपश्चिम प्रदेशका सभामुख अर्जुन बहादुर थापाले महिलाले पनि जिम्मेवारी कुशलता पूर्वक निर्वाह गर्न सक्ने बताए ।
सभामुख थापाले कानुन निर्माण भए पनि कार्यान्वयन पक्ष फितलो रहेको आरोप लगाए । महिलालाई रोजगारीमा जोड्न आवश्यक रहेको सभामुख थापाको भनाइ थियो ।

सामाजिक विकास मन्त्री कृष्णराज सुबेदीले सुदूरपश्चिम प्रदेशमा लामो समय देखि महिला नेतृत्वमा रहेको बताएका थिए ।
नेपालकै पहिलो महिला मन्त्री समेत प्रदेशमै रहेको बताउँदै मन्त्री सुबेदीले अहिले पनि महिला अधिकारका लागि प्रदेश सरकार लागिपरेको बताए ।

कार्यक्रममा प्रदेश सभा सदस्यहरूले महिलाको अधिकार स्थापित गर्न सबै निकायको सहयोग आवश्यक रहेको बताएका थिए ।
सामाजिक विकास मन्त्रालयले आयोजना गरेको कार्यक्रममा विभिन्न झाँकि समेत देखाइएको थियो ।

प्रतिक्रिया

Leave a Reply

Your email address will not be published. Required fields are marked *