प्रधानमन्त्री ओलीले लगाए कोरोनाविरुद्धको खोप (भिडियो)

काठमाडौं । प्रधानमन्त्री केपी शर्मा ओलीले कोरोनाविरुद्धको खोप लगाएका छन् ।

प्रधानमन्त्रीले महाराजगञ्जस्थित त्रिवि शिक्षण अस्पताल पुगेर आइतबार बिहान ११ बजेतिर खोप लगाएका हुन् । प्रधानमन्त्री पत्नी राधिका शाक्यले पनि कोरोनाविरुद्धको खोप लगाएकी छिन् ।

प्रधानमन्त्रीले खोप लगाएसागै दोस्रो चरणको खोप अभियान औपचारिक शुरूआत भएको छ । दोस्रो चरणको अभियानअन्तर्गत आजदेखि देशभर ६५ वर्षमाथिका ज्येष्ठ नागरिकलाई खोप प्रदान गरिने छ ।

अर्थमन्त्री विष्णु पौडेल, परराष्ट्रमन्त्री प्रदीप ज्ञवाली, स्वास्थ्यमन्त्री हृदयश त्रिपाठी, प्रधानमन्त्रीका सचिवालयका सदस्यहरू प्रधानमन्त्रीसागै खोप लगाउन अस्पताल पुगेका थिए ।

खोप लगाएर फर्कने क्रममा प्रधानमन्त्री ओलीले छोटो प्रतिक्रिया दिँदै आफूलाई कुनै समस्या नदेखिएको बताएका छन् । उनले खोप अभियानलाई सफल पार्न सबैलाई खोप लगाउन पनि आग्रह गरेका छन् । उनले खोप सुरक्षित भएकाले ढुक्कसँग खोप लगाउन समेत सबैलाई आग्रह गरे ।

‘मैले कोभिडको भ्याक्सिन लगाएँ, अहिले कुनै कम्प्लिकेसन छैन, सबैले खोप लगाएर खोप अभियानलाई सफल पारौं,’ प्रधानमन्त्री ओलीले भने ।