‘कबड्डी ४’ आउँदो दशैंमा प्रदर्शन हुने – Nepal Press

‘कबड्डी ४’ आउँदो दशैंमा प्रदर्शन हुने

काठमाडौं । प्रतीक्षित नेपाली फिल्म ‘कबड्डी’को चौंथो श्रृंखला आगामी असोज १५ गते (अक्टोबर १)मा प्रदर्शन हुने भएको छ ।

चौंथो सिक्वेलको नाम चाहिँ ‘कबड्डी : द फाइनल म्याच’ राखिएको छ । फिल्म निर्माण कम्पनीले सबै श्रृंखलाका दृश्य समेटिएका टीजर ट्रेलर लन्च गर्दै रिलिज डेट घोषणा गरेको हो ।

घोषित मितिको १० दिनेपछि दशैंको फूलपाति सुरु हुन्छ । आगामी दशैंलाई लक्षित गरि घोषणा गरिएको यो ठूलो ब्यानरको नेपाली फिल्म हो । प्रशान्त तामाङ स्टारर ‘परदेशी’को दोस्रो सिक्वेलले दशैं डेट राखेपनि त्यसको औपचारिक पुष्टि छैन ।

रामबाबु गुरुङले निर्देशन गर्ने कबड्डीमा दयाहाङ राई, बुद्धि तामाङ र विजय बराल मात्र तय छन् । अभिनेत्री र अन्य कलाकार फाइनल नभैसकेको निर्माता मणिराम पोखरेलले नेपाल प्रेसलाई जानकारी दिए ।

कोरोनाभाइरस महामारीले थलिएको नेपाली फिल्म उद्योगलाई पुनर्उत्थान गर्न कबड्डी चारले भूमिका खेल्ने आशा निर्माताले गरेका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर