आर्मीविरुद्ध सुमितको अर्धशतक

काठमाडौं । काठमाडौं मेयर कपमा त्रिभुवन आर्मी क्लबले दिएको २३६ रनको लक्ष्य पछ्याइरहेको नेपाल एपीएफ क्लबका सुमित महर्जनले अर्धशतक बनाएका छन् ।

त्रिवि क्रिकेट मैदानमा छैठौं नम्बरमा ब्याटिङमा आएका सुमितले ७१ बलमा अर्धशतक पूरा गरेका हुन् । फितलो सुरुआत गरेको एपीएफका लागि बसन्त रेग्मी र सुमितले ६९ रनको साझेदारी गरिसकेका छन् ।

३६ ओभरको समाप्तीमा एपीएफ १५६/६ को अवस्थामा ब्याटिङ गरिरहेको छ ।