निर्वाचन आयोगलाई दबाब दिंदै पाँच भूतपूर्व प्रमुख आयुक्तको विज्ञप्ति

काठमाडौं । पाँच भूतपूर्व प्रमुख निर्वाचन आयुक्तले दबाबमूलक विज्ञप्ति जारी गर्दै निर्वाचन आयोगलाई नेकपाको विवादमा यथाशीघ्र निर्णय दिन आग्रह गरेका छन् । विज्ञप्तिमा उनीहरुले आयोग अनिर्णयको बन्दी रहँदा त्यसले मुलुकको राजनीतिक प्रक्रिया तथा आयोगको साखमा असर गर्न सक्ने चिन्तासमेत व्यक्त गरेका छन् ।

‘प्रचलित कानून तथा स्थापित नजीरहरुका आधारमा यस विषयमा उपयुक्त निर्णय यथाशीघ्र दिन आयोगसमक्ष आग्रह गर्दछौं’ विज्ञप्तिमा भनिएको छ ।

विज्ञप्ति जारी गर्नेमा भूतपूर्व प्रमुख निर्वाचन आयुक्तहरु सूर्यप्रसाद श्रेष्ठ, भोजराज पोखरेल, नीलकण्ठ उप्रेती, डा. अयाेधिप्रसाद उपाध्याय र दोलखबहादुर गुरुङ छन् ।

सामूहिक विज्ञप्ति नै जारी गरेर दबाब दिनुको कारणबारे पूर्व प्रमुख निर्वाचन आयुक्त डा. अयोधीप्रसाद यादवलाई नेपाल प्रेसले प्रश्न गर्दा उनले प्रतिक्रिया दिन चाहेनन् ।

‘जे छ त्यही विज्ञप्तिमा उल्लेख छ, थप केही भन्न चाहन्न’ उनले भने