राजेन्द्र महतो भन्छन्– तत्काल सरकारमा जादैनौं, अविश्वास प्रस्तावबारे सोचेका छैनौं

कैलाली । जनता समाजवादी पार्टीका नेता राजेन्द्र महतोले तत्काल आफूहरू सरकारमा नजाने बताएका छन् । सत्तारुढ नेपाल कम्युनिस्ट पार्टी (नेकपा)को करिब दुईतिहाइ बहुमतमा बनेको सरकारमा जानुको औचित्य नभएको उनको तर्क छ ।

‘अहिलेसम्म कम्युनिस्ट पार्टीको करिब दुईतिहाइको सरकार छ । यस्तोबेला हामी सकारमा गएर कुनै अर्थ हुँदैन’ नेपाल प्रेससँग उनले भने, ‘अहिले कांग्रेस पनि सरकारमा सहभागी हुँदैन, हुनु हुँदैन ।’

उनले तत्काल नेकपाको दुवै पक्षसँग सहकार्य नहुने समेत स्पष्ट पारेका छन् । महतोले प्रधानमन्त्री केपी ओलीमाथि अविश्वासको प्रस्ताव ल्याउने विषयमा पनि छलफल नभएको बताए ।

‘हामीबीच अविश्वासको प्रस्तावबारे अहिले केही चर्चा छैन’, उनले भने, ‘अविश्वासको प्रस्ताव कसैले ल्यायो भने त्यैबेला छलफल हुन्छ ।’

प्रतिक्रिया

Leave a Reply

Your email address will not be published. Required fields are marked *