यी तीन सर्त पुरा गरे निजी क्षेत्रले खोप आपूर्ति गर्न पाउने – Nepal Press

यी तीन सर्त पुरा गरे निजी क्षेत्रले खोप आपूर्ति गर्न पाउने

काठमाडौं । कोभिड-१९ विरुद्धको खोप आपूर्तिका लागि सरकारले नीजि क्षेत्रलाई पनि अनुमति दिने तयारी गरेको छ । राजधानीमा आयोजित विभिन्न संचारमाध्यमका प्रतिनिधिसँगको छलफलमा स्वास्थ्य मन्त्रालयले यस्तो जानकारी दिएको हो ।

मन्त्रालयका सचिव लक्ष्मण अर्यालले २० प्रतिशत जनसंख्यालाई खोपको सुनिश्चतता गरेपछि निजी क्षेत्रलाई पनि खोप आयातका लागि अनुमति दिने बताए । निजी क्षेत्रलाई खोप आयात गर्ने कानुनी बाटो खुला गरिएको उनले जानकारी दिए ।

तर, निजी क्षेत्रले स्वास्थ्य मन्त्रालयले तोकेको तीन सर्त पुरा गरेपछि मात्रै खोप आपूर्ति एवं विक्री गर्न पाउनेछन् । सरकारको तोकेको मूल्यमा खोप विक्री गर्नुपर्ने, सरकारले तोकेको स्वास्थ्य संस्थामा मात्रै खोप लगाउनुपर्ने र मन्त्रालयले तोकेको प्राथमिकताका आधारमा खोप लगाउनुपर्ने सर्त राखिएको छ ।

अहिले मुलुकमा खोपको प्राथमिकतामा परेका ४ लाखभन्दा बढीले खोपको पहिलो डोज लगाइसकेका छन् । फागुन २३ गतेदेखि ५५ वर्षभन्दा माथिका नागरिकलाई दोस्रो प्राथमिकतामा राखेर खोप कार्यक्रम संचालन गरिँदैछ ।

सरकारले भारतको कोभिसिल्ड र चीनको सिनोफार्म खोपलाई मात्र आपतकालिन प्रयोगका लागि अनुमति दिएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर