फिल्म ‘चिसो मान्छे’ छायांकन सुरु, ग्वार्कोमा अर्पणको एक्सन-कट् – Nepal Press

फिल्म ‘चिसो मान्छे’ छायांकन सुरु, ग्वार्कोमा अर्पणको एक्सन-कट्

काठमाडौं । सोसल ड्रामा फिल्म ‘चिसो मान्छे’ छायांकन सोमबारदेखि राजधानीमा सुरु भएको छ ।

ललितपुरको महालक्ष्मीस्थान मन्दिरमा मूहुर्त गर्दै फिल्मले ग्वार्कोदेखि छायांकन थालेको हो । ग्वार्को वरपरका सडकमा केही दृश्य खिचियो । राजधानीमा चार दिन फिल्म छायांकन हुनेछ ।

पहिलो दिन अर्पण थापाको दृश्य खिचिएको निर्देशक दीपेन्द्र के. खनालले जानकारी दिए ।

काठमाडौंपछि बाजुरामा फिल्म छायांकन हुने जानकारी खनालले दिए । काठमाडौंदेखि बाजुरासम्मको सडकमा फिल्म सुट गर्ने योजना छ ।

पशुपतिप्रसाद, आमा फेम्ड निर्देशक खनालले स्वयम फिल्म खिचिरहेका छन् । यो फिल्ममा दीपेन्द्रको टाइटल निर्देशक, पटकथा लेखक र छायांकारको रुपमा रहनेछ ।

डीएस डिजिटल ब्यानरमा शर्मिला पाण्डेले फिल्म निर्माण गरेकी हुन् । यसअघि फिल्म आमामा पनि शर्मिला र दीपेन्द्रले सहकार्य गरेका थिए । फिल्मलाई भदौ ११ गते रिलिज गर्ने योजना छ ।


प्रतिक्रिया

Leave a Reply

Your email address will not be published. Required fields are marked *