सांसदलाई बुधबारदेखि खोप लगाइने, भारतमा मोदीले लगाए खोप – Nepal Press

सांसदलाई बुधबारदेखि खोप लगाइने, भारतमा मोदीले लगाए खोप

काठमाडौं । भारतीय प्रधानमन्त्री नरेन्द्र मोदीले सोमबार बिहान भारत बायोटेकले विकास एवं उत्पादन गरेको कोभ्याक्सिन खोप लगाएका छन् । दिल्लीस्थित एम्स अस्पतालमा उनले खोप लगाए ।

ट्वीटरमार्फत उनले खोप लगाएको जनाएका छन् । उनी लेख्छन् – विश्वब्यापी कोरोनभाइरस महामारीविरुद्ध लड्न हाम्रा चिकित्सक र वैज्ञानिकको भूमिका उल्लेखनीय छ । सबै मिलेर भारतलाई कोभिडमुक्त बनाउनुपर्छ ।’

पुडुचेरीकी नर्स पी निभेडाले मोदीलाई खोप लगाइदिएकी थिइन् । खोप लगाउन उनलाई केरलाकी नर्स रोस्मा अलीले सघाएकी थिइन् । रोचक त के छ भने, पुडुचेरी र केरला अप्रिलामा चुनावमा जाँदैछन् ।

नेपाली सांसदलाई बुधबारदेखि
नेपाल सरकारले संघीय संसदका सांसदलाई बुधबारदेखि कोरोनाविरुद्धको खोप दिने भएको छ । ५५ वर्षमाथिका ज्येष्ठ नागरिकलाई खोप लगाउनुअघि सांसदहरुलाई खोप लगाउन लागिएको हो ।

फागुन २३ देखि ज्येष्ठ नागरिकलाई खोप लगाउने कार्यतालिका छ । सांसद, कर्मचारी र मर्यादापालकलाई बुधबार, विहिबार र शुक्रबार बानेश्वरको सिभिल अस्पतालमा खोप लगाउने कार्यक्रम तय भएको छ ।

नेपाली सांसदलाई चाहिँ अक्सफोर्डले विकास गरेको कोभिसिल्ड खोप लगाउन लागिएको हो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर