अमेरिका नेपालसँग मिलेर काम गर्न इच्छुक : राष्ट्रपति बाइडेन – Nepal Press

अमेरिका नेपालसँग मिलेर काम गर्न इच्छुक : राष्ट्रपति बाइडेन

काठमाडौं । अमेरिकी राष्ट्रपति जो बाइडेनले नेपाली राजदूत युवराज खतिवडाको ओहोदाको प्रमाणपत्र बुझेका छन् ।

वासिङ्टनस्थित नेपाली राजदूतावासले जारी गरेको वक्तव्यमा राष्ट्रपति बाइडेनले कोरोनाभाइरस महामारीको कारण भौतिक उपस्थितीमा नभई विदेश मन्त्रालयबाट प्रमाणपत्र बुझेको उल्लेख छ ।

प्रमाणपत्र बुझ्दै राष्ट्रपति बाइडेनले साझा चासोका विषयमा दुई मुलुक मिलेर अगाडि बढ्ने र द्धिदेशीय सम्बन्धलाई थप बलियो बनाउने इच्छा व्यक्त गरेको वक्तव्यमा उल्लेख छ ।

बाइडेनले वासिङ्टन डीसीको मिसनका रुपमा नवनियुक्त राजदूत खतिवडालाई स्वागत गरेको जनाइएको छ । जवाफमा राजदूत खतिवडाले राष्ट्रपति बाइडेनलाई कार्यकालको शुभकामना दिएको र दुई मुलुक मिलेर अगाडि बढ्नुपर्ने चाहना व्यक्त गरेको जनाइएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर