पुटिनका कट्टर आलोचक नेभेल्नीको पुनरावेदन रुसद्वारा खारेज – Nepal Press

पुटिनका कट्टर आलोचक नेभेल्नीको पुनरावेदन रुसद्वारा खारेज

एजेन्सी । रुसको एक अदालतले राष्ट्रपति भ्लादिमिर पुटिनका कटुट आलोचक एलेक्सी नेभेल्नीको एक पुनरावेदन खारेज गरिदिएको छ । एलेक्सीले सजायको सर्त उल्लंघन गरेको अरोपको बिरुद्धमा पुनरावेदन गरेका थिए ।

एलेक्सी गत महिना जर्मनीबाट आफ्नो उपचारपछि स्वदेश फर्किएका थिए । रुस पुगेलगत्तै उनलाई हिरासतमा राखिएको थिो । उनले कैदीबन्दीको नियम उल्लंघन गरेको आरोपमा दोषी देखाइएको थियो ।

एलेक्सीमाथि घाटक नर्व एजेन्टमार्फक आक्रमण गरिएको थियो र उनको उपचार जर्मनीमा भएको थियो ।

एलेक्सी आफैं यो आक्रमणको जिम्मेबार राष्ट्रपति पुटिनलाई मान्छन् र आफूमाथि लगाइएको सबै आरोप निराधार रहेको दावी गरिरहेका छन् । रुस सरकारले भने एलेक्सीको सबै आरोप अस्वीकार गरिरहेको छ ।

सन् २०१४ मा भ्रष्टाचारको एउटा मुद्दामा एलेक्सीलाई दोषी ठहर गरिएको थियो । त्यस अनुसार उनले नियमित रुपमा रुसी पुलिससमक्ष तारिक बुझाउनुपर्ने थियो ।

शनिबार अदालती सुनुवाईको क्रममा एलेक्सीले बाइबल र ह्यारी पोटरजस्ला कितावको उदाहरण दिँदै आफूमाथिको आरोप निराधार रहेको बताएका थिए । उनले आफू नर्व एजेन्ट आक्रमणको उपचारको क्रममा रहँदा कसरी प्रहरीसमक्ष तारिक धाउन नसकेको प्रष्टोक्ति दिए ।

अदालतसँग उनले भने, ‘पूरा संसारलाई थाहा थियो कि म कहाँ थिएँ । जव मेरो स्वास्थ्य राम्रो भयो, मैले टिकट लिएँ र घर फर्किएँ ।’

न्यायाधीशले उनको पुनरावेदन खारेज गरे र सजाय पूरा गर्नुपर्ने फैसला गरिदिए । तर न्यायाधीशले उनलाई यसअघि सुनाईको ३ वर्षको जेल सजायमध्येबाट ६ साता कम गरिएको छ ।

अर्को शनिबार उनलाई एक अर्को मुद्दामा अदालतमा प्रस्तुत हुनुपर्नेछ । उनीमाथि रुशी राष्ट्रपति पुटिनको प्रशंसा गरेका दोस्राे विश्वयुद्धमा सहभागी पूर्व सैनिकको अपमान गरेको आरोप लगाइएको छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर