ला लिगामा रियल मड्रिडको जितले एट्लेटिको मड्रिडलाई दवाव – Nepal Press

ला लिगामा रियल मड्रिडको जितले एट्लेटिको मड्रिडलाई दवाव

एजेन्सी । कासिमेरोले निर्णायक गोल गरेपछि स्पेनिस ला लिगामा रियल भालाडोलिडलाई पराजित गर्दै रियल मड्रिडले शीर्ष स्थानको एट्लेटिको मड्रिडसँगको दूरी ३ अंकमा झारेको छ ।

ब्राजिलियन मिडफिल्डरले ६५ औं मिनेटमा एकमात्र निर्णायक गोल गर्नुभन्दा केहि मिनेटअघि शानदार हेडर गोलको अवसर गुमाएका थिए । मारियानो डियाजले दुईपल्ट गोल गरेका थिए तर रेफ्रीले अफसाइड करार गरिदिए ।

रियलका गोलरक्षक थियावट कोर्टवाले एट्लेटिकोका फावियन ओरेलाना र साइडी जान्कोको प्रहारको उत्कृष्ट बचाउ गरेका थिए ।

त्यसअघि शनिबार राती नै भएको खेलमा शीर्ष स्थानको एट्लेटिको मड्रिडले लेभान्टेसँग २–० गोलको अप्रत्यासित पराजय ब्यहोरेको थियो ।

घरेलु मैदानमा एट्लेटिको जोसे लुइस मोरालेसले आत्मघाती गोल गरेका थिए भने अर्को गोल खेलको अन्तिम मिनेटमा जर्ज डी फ्रुटोसले गरेका थिए ।

रियलको यो जित र एट्लेटिकोको हारले उनीहरुको दूरी ३ अंकमा झारेको छ । शीर्ष स्थानको एट्लेटिकोको २३ खेलबाट ५५ अंक छ । एक खेल बढी खेलेको रियलको ५२ अंक छ । दुई खेल कम खेलेको तेस्रो स्थानको बार्सिलोनाको ४६ अंक छ । बार्सिलोनाले आज काडिजसँग खेल्नेछ ।

प्रतिक्रिया

Leave a Reply

Your email address will not be published. Required fields are marked *