चिनियाँ खोप सिनोफार्मलाई सरकारले दियो आपतकालीन प्रयोगको अनुमति – Nepal Press

चिनियाँ खोप सिनोफार्मलाई सरकारले दियो आपतकालीन प्रयोगको अनुमति

काठमाडौं । सरकारले चिनियाँ खोप सिनोफार्मलाई आपतकालीन प्रयोगका लागि अनुमति दिएको छ । औषधि व्यवस्था विभागको जनवरी १६ को बैठकले यस्तो निर्णय गरेको जारी वक्तव्यमा उल्लेख छ ।

भारतको कोभिसिल्डपछि विभागले चिनियाँ कम्पनी बेइजिङ इन्स्टिच्युट अफ बायोलोजिकल प्रोडक्टले उत्पादन गरेको सिनोफार्म खोपलाई अनुमति दिएको हो ।

विभागको यो निर्णयपछि सरकारलाई चिनियाँ खोप ल्याउन बाटो खुलेको छ । चीनले नेपाललाई ५ लाख डोज खोपमा अनुदानमा दिने घोषणा गरिसकेको छ ।

जनवरी १३ मा सिनोफार्मले सरकारसँग आपतकालिन प्रयोगका लागि निवेदन दिएको थियो । जनवरी १५ सरकारले भारतको कोभिसिल्ड खोपलाई आपतकालिन प्रयोगको अनुमति दिएको थियो ।

सिनोफार्मले ७९.३४ प्रतिशत खोप प्रभावकारी हुने जनाएको छ ।

प्रतिक्रिया

Leave a Reply

Your email address will not be published. Required fields are marked *