अष्ट्रेलियामा फेसबुकले लगायो समाचारमा रोक, सामाजिक संजाल कानुन विवादमा – Nepal Press

अष्ट्रेलियामा फेसबुकले लगायो समाचारमा रोक, सामाजिक संजाल कानुन विवादमा

काठमाडौं । नेपालमा सामाजिक सञ्जाल फेसबुक, ट्वीटर, गुगल लगायतका सामाजिक संजाल दर्ता हुनुपर्ने र नियमन गर्ने बहस चलिरहेका बेला अष्ट्रेलियामा पनि सामाजिक सञ्जाल सम्बन्धी नयाँ कानुन विवादमा परेको छ ।

बीबीसीका अनुसार अस्ट्रेलियामा प्रस्तावित सामाजिक सञ्जालसम्बन्धी नयाँ कानुनको विषयबारे विवादका कारण फेसबुकले अस्ट्रेलियाली प्रयोगकर्ताहरूलाई आफ्नो प्लेटफर्ममा समाचार हेर्न र साझा गर्नमा रोक लगाउने घोषणा गरेको छ।

केही प्रयोगकर्ताहरूले निश्चित समाचार साइटहरूबाट सामाग्री साझा गर्न नमिल्ने बनाइसकिएको बताएका छन्।

प्रस्तावित कानुनले गुगल र फेसबुकजस्ता ठूला प्रविधि कम्पनीहरूलाई अस्ट्रेलियाका सञ्चार संस्थाहरूसँग सम्झौता गर्न वा सामग्री साझा गरे बापत शुल्क तिर्न बाध्य पार्ने छ।

यसअघि गुगलले अस्ट्रेलियामा आफ्नो सर्च इन्जिन बन्द गर्ने धम्की दिएको थियो। तर बुधवार भने उसले विश्वकै सबैभन्दा ठुलो समाचार संस्था न्यूज कर्पसँग सहमति गरेको घोषणा गरेको छ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर