अमेरिकी संसदमा ट्रम्प समर्थकले गरेको आक्रमणको अनुसन्धान स्वतन्त्र आयोगले गर्ने – Nepal Press

अमेरिकी संसदमा ट्रम्प समर्थकले गरेको आक्रमणको अनुसन्धान स्वतन्त्र आयोगले गर्ने

एजेन्सी । अमेरिकी कंग्रेसकी सभामुख न्यान्सी पेलोसीले ६ जनवरीमा तत्कालीन राष्ट्रपति डोनाल्ड ट्रम्पका समर्थकले संसद भवन क्यापिटल हिलमा गरेको आक्रमणको अनुसन्धानकालागि स्वतन्त्र आयोग बनाउने घोषणा गरेकी छन् ।

सांसदहरुलाई लेखेको पत्रमा उनले अनुसन्धान आयोगले सन् २००१ को सेप्टेम्बर ११ मा न्युयोर्क र पेन्टागनमा भएको आतंककारी हमलाकै शैलीमा यो घटनाको जाँच, अनुसन्धान गर्ने उल्लेख गरेकी छन् ।

‘हामीलाई सत्य तथ्य थाहा हुनु जरुरी छ कि यो घटना कसरी भयो,’ उनले भनेकी छन् । सिनेटले पूर्व राष्ट्रपतिमाथिको आरोपबाट मुक्त गरिदिएको छ । तर डेमोक्रेट तथा केहि रिपब्लिकन सिनेटरले हिंसाका बारेमा एक स्वतन्त्र जाँचको माग गरिरहेका छन् । घटनामा ५ जनाको मृत्यु भएको थियो ।

सभामुख पेलोसीका अनुसार अमेरिकी सेनाका जनरल रसेल होनरले घटनाको केहि साताअघिदेखि क्यापिटलको सुरक्षा अधिक बढाउनुपर्ने आंकलन गरेका थिए । ‘उनको यो निश्कर्ष र महाअभियोग परीक्षणबाट प्रष्ट भएको छ कि हामीलाई सत्य कुरा थाहा हुनु जरुरी छ,’ उनले भनेकी छन् ।

प्रतिक्रिया

Leave a Reply

Your email address will not be published.

सम्बन्धित खवर