चीनमा बीबीसी टेलिभिजन प्रशारण प्रतिबन्ध
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/02/BBC-news-studio.jpg)
एजेन्सी । चीनले बीबीसी विश्व सेवा टेलिभिजनको प्रशारणमा प्रतिबन्ध लगाएको छ । बीबीसीले अनुचित र भ्रमपूर्ण पत्रकारिता गरिरहेको चीनको दावी छ ।
पछिल्ला केहि महिनायता बीबीसीले प्रशारण गरिरहेको कोरोना महामारी र शिनजियाङमा अल्पसंख्यक मुसलमानको शोषणबारेको रिपोर्टको चीनले आलोचना गरिरहेको छ ।
बेलायतको बिदेश मन्त्रालयका अनुसार चीनमा इन्टरनेट र सन्चारमाध्यममा उच्च प्रतिबन्ध लगाइएको छ । विदेश मन्त्रालयको विज्ञप्तिमा भनिएको छ, ‘यो निर्णय बाँकी विश्वमा उसको साख कम गर्नेछ ।’
गत साता बेलायतको मिडिया नियामक सरकारी संस्था अफकमले चीनको सरकार नियन्त्रित च्यानल सीजीटीएएनको प्रशारण लाइसेन्स निलम्बन गरेको थियो ।
बीबीसीका एसिया सम्पादकले चीनमा टेलिभिजनको प्रशारण प्रतिबन्ध लगाउँदा खासै असर पर्ने छैन । किनभने चीनमा अहिले पनि धेरै स्थानमा बीबीसीको प्रशारण उपलब्ध छैन ।
बीबीसीको तर्फबाट जारी विज्ञप्तिमा भनिएको छ, ‘चिनियाँ प्रशासनले प्रशारण प्रतिबन्ध लगाउने कदक खेदयुक्त छ । बीबीसी संसारको सबैभन्दा विश्वसनीय अन्तर्राष्ट्रिय सन्चारमाध्यममध्ये एक हो र संसारभरबाट पूरा निश्पक्ष रुपमा सूचना प्रशारण गर्नेछ ।