अराजकतावादीले जलाएको ट्याक्सीको क्षतिपूर्ति सरकारले दिन्छ : उपप्रधानमन्त्री पोखरेल (भिडियो) – Nepal Press

अराजकतावादीले जलाएको ट्याक्सीको क्षतिपूर्ति सरकारले दिन्छ : उपप्रधानमन्त्री पोखरेल (भिडियो)

काठमाडौं । उपप्रधानमन्त्री तथा नेकपा ओली पक्षका नेता ईश्वर पोखरेलले पाँच वर्षका लागि निर्वाचित प्रधानमन्त्रीलाई बीचमै धक्का दिएर हटाउन खोज्दा अस्थिरता पैदा भएको बताएका छन् । उनले सबै प्रतिकूलतासँग जुधेर मुलुकमा राजनीतिक स्थायित्व कायम गरिने उनको भनाइ छ ।

ओली पक्षद्वारा आज काठमाडौंमा आयोजित जनसभालाई सम्वोधन गर्दै पोखरेलले भने, ‘हिजोदेखि नै कसैको मृत्युमा जीवन खोज्ने प्रचण्ड प्रवृत्ति हावी भयो । त्यसलाई सघाउन कुण्ठा र ईर्श्यामा बाँचेको माधव नेपाल प्रवृत्तिको गठवन्धन भयो । त्यसको परिणाम अराजकता सिर्जना गर्ने कोसिस गरियो । तर, यो प्रयासलाई हामी सफल हुन दिने छैनौं ।’

हिजो प्रचण्ड-नेपाल पक्षले गरेको नेपाल बन्दमा एक मजदुरको ट्याक्सी जलाइएको घटनाकाे पोखरेलले निन्दा गरे । जलाइएको ट्याक्सीको क्षतिपूर्ति सरकारले दिने उनले प्रतिवद्धता जनाए ।

पोखरेलले भने, ‘नेपाल बन्दको नाममा जनतालाई दु:ख दिने कुराको निन्दा र भर्त्सना गर्दछु । हिजो आन्दोलनका नाममा अराजकता सिर्जना गर्नेले ट्याक्सी चलाएर गुजारा गर्नेमाथि सांघातिक हमला गरे, म मन्त्रीको नाताले यही सभामार्फत भन्न चाहन्छ, केपी ओली नेतृत्वको सरकारले यसको क्षतिपूर्ति दिनेछ ।’

प्रतिक्रिया

Leave a Reply

Your email address will not be published.

सम्बन्धित खवर